बागमतीका चार उपसचिवको सरुवा
संवाददाता८ आश्विन २०८२, बुधबार १७:१९
बागमती प्रदेश सरकारले चार जना उपसचिवको सरुवा गरेको छ । मुख्यमन्त्री तथा मन्त्रिपरिषद् कार्यालयले शिक्षा समूह तर्फका ४ जना उपसचिव (९ तह) का कर्मचारीको सरुवा गरेको हो ।
प्रमुख सचिव भुपाल बरालले ३ जना कार्यालय प्रमुख र एक जनालाई मन्त्रालयको महाशाखा प्रमुखमा सरुवा गरेका हुन् ।
मुख सचिव बरालको निर्णयअनुसार सामाजिक विकास कार्यालय मकवानपुरमा कार्यरत गोपाल कँडेललाई शिक्षा निर्देशनालय बागमती प्रदेशको कामु महानिर्देशकमा सरुवा गरेको छ ।
१ औँ तह (सचिव स्तरको) दरबन्दी रहेको उक्त कार्यालय कार्यरत खुविराम अधिकारीको गत साताको मन्त्रिपरिषदको बैठकले सहकारी तथा गरिबी निवारण मन्त्रालयको सचिवमा सरुवा गरेपछि सो स्थान रिक्त रहेको थियो ।
यसअघि कँडेल कार्यरत रहेको सामाजिक विकास कार्यालय मकवानपुरको प्रमुखमा सूर्यबहादुर दाहाललाई जिम्मेवारी दिइएको छ । दाहाल कार्यरत युवा तथा खेलकुद मन्त्रालयको महाशाखामा लोक बहादुर वाइवाको सरुवा गरिएको छ ।
वाइवा यसअघि सामाजिक विकास कार्यालय धादिङ गजुरीमा कार्यरत थिए । उक्त कार्यालयमा युवा तथा खेलकुद मन्त्रालयअन्तर्गत प्रदेश युवा परिषद्मा कार्यारत रमेश घिमिरेलाई जिम्मेवारी तोकिएको छ ।
